21 сакавіка, Мінск /Кар. БЕЛТА/. У офісе Беларускай федэрацыі гандбола адбылася жараб'ёўка фіналаў чатырох мужчынскага і жаночага Кубкаў краіны, паведамляе прэс-служба БФГ.
Розыгрыш Кубка ў мужчын пройдзе 28-29 мая ў Магілёве. У першым паўфінале гаспадар турніру "Машэка" сустрэнецца з дзеючым уладальнікам трафея БГК "Мяшкоў Брэст". Другую пару склалі сталічны СКА і "Гомель".
Фінал чатырох у жанчын адбудзецца ў Навагрудку 21-22 мая. У першым паўфінале "БНТУ-БелАЗ" згуляе з "Гараднічанкай", следам на пляцоўку выйдуць "Вікторыя-Бярэсце" і "Гомель", які стаў пераможцам жаночага Кубка ў мінулым годзе.-0-