29 красавіка, Мінск /Кар. БЕЛТА/. Спецыялісты ў сферы спартыўнага маркетынгу праводзяць 29 красавіка міжнародную канферэнцыю ў штаб-кватэры Нацыянальнага алімпійскага камітэта ў Мінску, паведамляе карэспандэнт БЕЛТА.
Вядучыя беларускія і расійскія эксперты абмяркуюць і дадуць практычныя рэкамендацыі па развіцці і папулярызацыі спартыўнага брэнда, падзеляцца меркаваннем, як працаваць у маркетынгу ў новых умовах, вопытам работы з гледачамі, раскажуць аб маркетынгавых і брэндынгавых інструментах у арганізацыі спартыўных падзей і падрыхтоўцы аб'ектаў.
Акрамя расіян і беларусаў у канферэнцыі прымаюць удзел многія вядомыя маркетолагі, у прыватнасці прэзідэнт ММА-прамоўшну BRAVE CF Махамед Шахід з Бахрэйна. Генеральны дырэктар мінскага стадыёна "Дынама" Аляксандр Бут-Гусаім раскажа калегам аб арганізацыі на арэне фан-зоны футбольнага чэмпіянату Еўропы 2020 года А-Football Fest. Свае ідэі таксама выкажуць госці з расійскай сталіцы - дырэктар дэпартамента кліенцкага сэрвісу ФК "Лакаматыў" Антон Лапцеў і генеральны дырэктар акцыянернага таварыства "Мой спорт" Андрэй Маркаў.-0-