ДЗЯРЖОРГАНЫДЗЯРЖОРГАНЫ
Субота, 17 красавіка 2021
Мінск Воблачна з праясненнямі +8°C
Усе навіны
Усе навіны
Спорт
10 лютага 2021, 09:32

Спартсменам на Гульнях у Токіа трэба будзе здаваць тэст на COVID-19 кожныя чатыры дні

Фота  Reuters
Фота Reuters

10 лютага, Мінск /Кар. БЕЛТА/. Спартсмены, якія прымуць удзел у Алімпійскіх гульнях у Токіа, павінны будуць здаваць тэст на каранавірус не радзей як адзін раз у чатыры дні. Аб гэтым паведамляе ТАСС са спасылкай на пералік правіл для атлетаў, апублікаваны Міжнародным алімпійскім камітэтам.

Адзначаецца, што перыядычнасць ПЛР-тэсціравання будзе залежаць ад віду спорту і раскладу спаборніцтваў. Праверкі плануецца ажыццяўляць у спецыялізаванай лабараторыі на тэрыторыі Алімпійскай або Паралімпійскай вёскі. Калі спартсмен пражывае па-за гэтымі аб'ектамі, яму давядзецца скарыстацца выдзеленым спецтранспартам, каб здаць аналізы. Адсачыць рэзультаты тэста можна будзе праз спецыяльны дадатак для смартфона.

Пры выяўленні заражэння інфармаваць іншых атлетаў будуць неадкладна праз іншы дадатак для адсочвання кантактаў з інфіцыраванымі, які не захоўвае асабістых даных, а толькі папярэджвае аб патэнцыяльнай рызыцы. Ён выкарыстоўваецца ў Японіі з лета мінулага года і абавязковы для ўстаноўкі сярод тых, хто прыедзе на Алімпіяду ў Токіа.

Алімпійскія гульні ў Токіа павінны былі прайсці з 24 ліпеня па 9 жніўня 2020 года. З-за пандэміі спаборніцтвы былі перанесены на год і цяпер адбудуцца з 23 ліпеня па 8 жніўня 2021 года. Паралімпійскія гульні пройдуць з 24 жніўня па 5 верасня.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі