18 лютага, Мінск /Кар. БЕЛТА/. Міністэрства культуры сумесна з Беларускім прафсаюзам работнікаў культуры, інфармацыі, спорту і турызму правядзе 19 лютага зімовую рэспубліканскую спартакіяду "Культурная лыжня - 2022". Аб гэтым БЕЛТА паведамілі ў прэс-службе ведамства.
Мерапрыемства пройдзе на лыжаролернай трасе "Вяснянка". Урачыстае адкрыццё спартакіяды адбудзецца ў 13.00, цырымоніі ўзнагароджання пераможцаў і закрыцця - з 15.00 да 16.00.
У праграме мерапрыемства запланавана эстафетная лыжная гонка, а таксама лыжная эстафета "Дружная сям'я".
У спартакіядзе прымаюць удзел каманды Міністэрства культуры, рэспубліканскіх арганізацый культуры, арганізацый культуры абласцей і раёнаў. Каманду Міністэрства культуры ўзначаліць міністр Анатоль Маркевіч.-0-