ДЗЯРЖОРГАНЫДЗЯРЖОРГАНЫ
Флаг Субота, 13 жніўня 2022
Мінск Суцэльная воблачнасць +25°C
Усе навіны
Усе навіны
Спорт
07 красавіка 2022, 12:48

Спаборніцтвы па плаванні на кубак рэктара ГомДМУ пройдуць 7-8 красавіка

7 красавіка, Гомель /Кар. БЕЛТА/. Спаборніцтвы па плаванні на кубак рэктара Гомельскага дзяржаўнага медыцынскага ўніверсітэта пройдуць 7-8 красавіка, паведамілі карэспандэнту БЕЛТА ў прэс-службе ВНУ.

На старт выйдуць студэнты медыцынскіх устаноў вышэйшай адукацыі краіны: Гомель, Гродна, Віцебск і Мінск. У кожнай камандзе - 12 чалавек. Гэта 10 спартсменаў, адзін трэнер і адзін прадстаўнік.

Спаборніцтвы пройдуць у 50-метровым басейне Гомельскага абласнога комплекснага цэнтра алімпійскага рэзерву. Цырымонія адкрыцця спаборніцтваў пачалася сёння ў 11.40. Заплывы стартуюць апоўдні. Фінальныя заплывы і цырымонія закрыцця з узнагароджваннем адбудзецца 8 красавіка ў 13.00.

"Такія спаборніцтвы ўпершыню праводзяцца, нягледзячы на тое, што спартыўнае жыццё ва ўніверсітэце заўсёды актыўнае і спартакіяды не ў навіну", - расказалі ў прэс-службе.

Спаборніцтвы сярод плыўцоў медыцынскіх ВНУ краіны праводзяцца для папулярызацыі плавання сярод студэнцкай моладзі, а таксама ўмацавання спартыўных і культурных сувязей паміж ВНУ медыцынскага профілю Рэспублікі Беларусь. Арганізатарамі выступаюць Гомельскі дзяржаўны медыцынскі ўніверсітэт і Беларускі прафесійны саюз работнікаў аховы здароўя.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі