Фота з архіва
13 лютага, Мінск /Кар. БЕЛТА/. У Златавусце прадаўжаюцца спаборніцтвы па біятлоне ў рамках II Усерасійскай спартакіяды мацнейшых спартсменаў па зімовых відах спорту 2024 года, паведамляе карэспандэнт БЕЛТА.
Спаборніцкую праграму аўторка адкрыла мужчынская індывідуальная гонка, удзел у якой прынялі 79 спартсменаў, сярод іх пяцёра беларусаў. Прайсці ўсе чатыры агнявыя рубяжы без промахаў змаглі толькі два біятланісты, у тым ліку сярэбраны прызёр Алімпійскіх гульняў у гэтым відзе праграмы Антон Смольскі. Трасу 20 км лідар нашай каманды пераадолеў за 54:38,6 сек, уступіўшы на фінішы 28 секунд толькі такому ж ідэальнаму стралку Ягору Сідараву з Краснаярскага края. У выніку - серабро. Тройку лепшых замкнуў Васіль Томшын з Санкт-Пецярбурга, час якога Смольскі апярэдзіў на паўтары секунды.
Іншыя беларускія біятланісты паказалі рэзультаты па-за дваццаткай мацнейшых. Павел Бялько з дзвюма мінутамі штрафу заняў 21-е месца, Іван Тулацін стаў 23-м, Дзмітрый Лазоўскі размясціўся на 26-й пазіцыі, Максім Варабей - 28-ы. Трое нашых спартсменаў дапусцілі на стральбе па чатыры памылкі.
У 13.00 па мінскім часе пачнецца індывідуальная гонка ў жанчын. На 15-кіламетровую дыстанцыю заяўлены чатыры беларускі, у тым ліку Дзінара Смольская, якая можа выйсці на старт упершыню пасля нараджэння дзіцяці. Таксама ў страі Ганна Сола, Ірына Лешчанка і Дар’я Кудаева.-0-
Спаборніцкую праграму аўторка адкрыла мужчынская індывідуальная гонка, удзел у якой прынялі 79 спартсменаў, сярод іх пяцёра беларусаў. Прайсці ўсе чатыры агнявыя рубяжы без промахаў змаглі толькі два біятланісты, у тым ліку сярэбраны прызёр Алімпійскіх гульняў у гэтым відзе праграмы Антон Смольскі. Трасу 20 км лідар нашай каманды пераадолеў за 54:38,6 сек, уступіўшы на фінішы 28 секунд толькі такому ж ідэальнаму стралку Ягору Сідараву з Краснаярскага края. У выніку - серабро. Тройку лепшых замкнуў Васіль Томшын з Санкт-Пецярбурга, час якога Смольскі апярэдзіў на паўтары секунды.
Іншыя беларускія біятланісты паказалі рэзультаты па-за дваццаткай мацнейшых. Павел Бялько з дзвюма мінутамі штрафу заняў 21-е месца, Іван Тулацін стаў 23-м, Дзмітрый Лазоўскі размясціўся на 26-й пазіцыі, Максім Варабей - 28-ы. Трое нашых спартсменаў дапусцілі на стральбе па чатыры памылкі.
У 13.00 па мінскім часе пачнецца індывідуальная гонка ў жанчын. На 15-кіламетровую дыстанцыю заяўлены чатыры беларускі, у тым ліку Дзінара Смольская, якая можа выйсці на старт упершыню пасля нараджэння дзіцяці. Таксама ў страі Ганна Сола, Ірына Лешчанка і Дар’я Кудаева.-0-