2 снежня, Мінск /Кар. БЕЛТА/. Сёння ў Мазыры адбудзецца першы з двух пераходных матчаў за права гуляць у наступным сезоне ў вышэйшай лізе футбольнага чэмпіянату Беларусі, паведамляе карэспандэнт БЕЛТА.
На полі мазырскага стадыёна "Юнацтва" футбалісты мясцовай "Славіі" прымуць сталічны клуб "Крумкачы" (пачатак гульні ў 18.30). У гэтым сезоне "Славія" заняла 14-е месца ў вышэйшай лізе, а "Крумкачы" фінішавалі на трэцяй пазіцыі ў першай лізе нацыянальнага першынства. Пераходнай паядынак у адказ адбудзецца 5 снежня ў Мінску. Прамыя пуцёўкі ў элітны дывізіён заваявалі дзве лепшыя каманды першай лігі - дзяржынскі "Арсенал" і бабруйская "Белшына", якія заменяць "Смаргонь" і рэчыцкі "Спадарожнік".
Чэмпіёнам Беларусі другі год запар і трэці за ўвесь час стаў салігорскі "Шахцёр", серабро ў барысаўскага БАТЭ, бронзавыя ўзнагароды заваявалі футбалісты мінскага "Дынама". Лепшым бамбардзірам 31-га чэмпіянату краіны стаў гамбійскі форвард "Шахцёра" Дэмба Дарба, які забіў 19 мячоў.-0-