4 лістапада, Мінск /Кар. БЕЛТА/. Расійскі спецыяліст Сяргей Ташуеў пакідае пасаду галоўнага трэнера салігорскага "Шахцёра". Гэта рашэнне было прынята пасля сённяшняй сустрэчы трэнерскага штаба і кіраўніцтва футбольнага клуба. Такая інфармацыя размешчана на афіцыйным сайце "Шахцёра", паведамляе карэспандэнт БЕЛТА.
Разам з Сяргеем Ташуевым, які ўзначальваў салігорскую каманду з красавіка 2018 года, клуб пакідаюць і яго асістэнты. Рашэнне аб спыненні супрацоўніцтва прынята па пагадненні бакоў. Футбольны клуб "Шахцёр" выказаў удзячнасць Сяргею Ташуеву і ўсяму трэнерскаму штабу за праведзеную работу і пажадаў поспеху ў далейшай кар'еры.
Выконваючым абавязкі галоўнага трэнера салігорскай дружыны назначаны Сяргей Нікіфарэнка, які будзе рыхтаваць каманду да дамашняга матчу 28-га тура з мазырскай "Славіяй".
У нядзелю, 3 лістапада, футбалісты "Шахцёра" згулялі ўнічыю (1:1) у гасцях у лідара першынства брэсцкага "Дынама". Пасля 27 тураў "Шахцёр" мае 59 ачкоў і займае 3-е месца ў турнірнай табліцы. Наперадзе дынамаўцы Брэста, у якіх 68 балаў, другім ідзе барысаўскі БАТЭ, які набраў 61 ачко.-0-
