13 верасня, Мінск /Кар. БЕЛТА/. Генеральны дырэктар хакейнага клуба "Дынама-Мінск" Сяргей Сушко ўвайшоў у склад Савета дырэктараў КХЛ, замяніўшы ў гэтай структуры Дзмітрыя Баскава. Такая інфармацыя змешчана на афіцыйным сайце Федэрацыі хакея Беларусі, паведамляе БЕЛТА.
У Маскве на агульным сходзе ўдзельнікаў ТАА "КХЛ" быў выбраны склад Савета дырэктараў КХЛ на сезон 2021/2022.
На сваім першым пасяджэнні ў гэтым сезоне Савет аднагалосна перавыбраў на пасаду старшыні Генадзя Цімчанку.
Колькасны склад Савета дырэктараў застаўся нязменным - 21 чалавек.-0-