20 красавіка, Мінск /Кар. БЕЛТА/. Сяргей Гурэнка пакінуў пасаду галоўнага трэнера футбалістаў мінскага "Дынама". Такая інфармацыя размешчана на афіцыйным сайце дынамаўскага клуба, паведамляе БЕЛТА.
Кантракт скасаваны па ўзгадненні бакоў. Сяргей Гурэнка ўзначаліў каманду ў чэрвені 2019 года, пад яго кіраўніцтвам мінскае "Дынама" заняло 4-е месца ў чэмпіянаце Беларусі. У пяці стартавых матчах цяперашняга першынства дынамаўцы набралі 6 ачкоў, атрымаўшы дзве перамогі і пацярпеўшы тры паражэнні.-0-