28 красавіка, Мінск /Кар. БЕЛТА/. Сярэбраных медалістаў XXIV зімовых Алімпійскіх гульняў у Пекіне фрыстайлістку Ганну Гуськову і біятланіста Антона Смольскага ўшаноўвалі 28 красавіка ў Нацыянальным алімпійскім камітэце, перадае карэспандэнт БЕЛТА.
Перад пачаткам ІІ Нацыянальнага форуму атлетаў прэзідэнт НАК Віктар Лукашэнка ўручыў каштоўныя падарункі алімпійскім прызёрам Пекіна-2022.
Антон Смольскі стаў уладальнікам сярэбранага медаля ў індывідуальнай гонцы на 20 км, а Ганна Гуськова заваявала серабро ў спаборніцтвах лыжных акрабатак. На папярэдніх Гульнях у Сочы-2018 Ганна Гуськова стала алімпійскай чэмпіёнкай.
За якасную падрыхтоўку і паспяховае выступленне спартсменаў у Пекіне дадатковае фінансаванне атрымалі беларускія федэрацыі біятлона і фрыстайла - па Br200 тыс.
У гонар узнагарод, заваяваных беларусамі, Міністэрства сувязі і інфарматызацыі выпусціла ў абарачэнне канверт з арыгінальнай маркай "Медалісты XXIV зімовых Алімпійскіх гульняў у Пекіне". Спецыяльнае памятнае гашэнне прайшло сёння з удзелам саміх лаўрэатаў. Праект падрыхтаваны ў супрацоўніцтве з НАК.-0-
