Шымановіч выйшла ў 1/8 фіналу тэніснага турніру ў Партугаліі

19 лютага, Мінск /Кар. БЕЛТА/. Беларуская тэнісістка Ірына Шымановіч выйшла ў 1/8 фіналу турніру WTA-125 у партугальскім Аэйрашы з прызавым фондам $115 тыс., паведамляе карэспандэнт БЕЛТА.

У матчы першага раўнда беларуска, у якой 156-я пазіцыя ў сусветным рэйтынгу, перайграла ў дзвюх партыях іспанскую тэнісістку Нурыю Парызас-Дыяс, якая займае 236-е месца, - 7:5, 7:6 (7:4). У паядынку за выхад у чвэрцьфінал саперніцай Ірыны Шымановіч будзе аўстрыйка Сінья Краус (102-і нумар рэйтынгу WTA). У 1/4 фіналу парнага разраду Шымановіч і румынка Ірына Барэ сустрэнуцца з чэшскім тандэмам Габрыэла Кнутсан / Вікторыя Грунчакава.

У 1/16 фіналу турніру ў егіпецкім Шарм-эль-Шэйху беларуская тэнісістка Юлія Гатоўка (797) перайграла ў трохсэтавым паядынку шведку Лінею Байралю (835) - 0:6, 6:2, 6:4. У другім крузе беларуска будзе сапернічаць з японкай Муа Шыгетай. 

На старце мужчынскага турніру ў туніскім Манасціры беларус Данііл Астапенкаў (719) перамог італьянца Луку Кастаньёлу (674) - 7:6 (10:8), 6:1. Наступным апанентам Астапенкава будзе Леа Борг (592) - сын легендарнага шведскага тэнісіста Б'ёрна Борга.-0-