Шымановіч стаў шостым на 200-метроўцы брасам на этапе Кубка свету ў ЗША
 

13 кастрычніка, Мінск /Кар. БЕЛТА/. У амерыканскім Кармелі завяршыўся першы этап Кубка свету па плаванні на кароткай вадзе 2025 года з удзелам беларускіх спартсменаў, паведамляе карэспандэнт БЕЛТА.

Удзел у спаборніцтвах прынялі нашы Ілья Шымановіч і Настасся Шкурдай. У заключны дзень этапу лідар мужчынскай каманды выступаў на дыстанцыі 200 м брасам. Адборачную дыстацыю Ілья пераадолеў з пятым рэзультатам сярод 36 плыўцоў, а ў вырашальным заплыве фінішаваў шостым з часам 1 мін. 5,54 сек. Да тройкі беларусу не хапіла паўтары секунды, перамогу атрымаў галандзец Каспар Карбо. Раней у Кармелі Шымановіч заваяваў серабро на стаметроўцы і бронзу на 50-метроўцы брасам.

Настасся Шкурдай у ноч на панядзелак па мінскім часе змагалася за медаль на дыстанцыі 200 м на спіне. Па выніках папярэдніх заплываў наша спартсменка стала чацвёртай сярод дваццаці дзяўчат, але ў фінале Шкурдай прыйшла да фінішу толькі сёмай (2:04,28), на дзве секунды пазней за бронзавага прызёра. Золата ўзяла Кейлі Макіаўн з Аўстраліі.

Другі этап Кубка свету па плаванні на кароткай вадзе 2025 года пройдзе ў амерыканскім горадзе Вестманце з 17 па 19 кастрычніка.-0-