Фота pixabay
1 чэрвеня, Мінск /Кар. БЕЛТА/. Беларускія тэнісісты сёння праводзяць сустрэчы парнага разраду адкрытага чэмпіянату Францыі, паведамляе карэспандэнт БЕЛТА.
Беларуска Ірына Шымановіч і бразільянка Інгрыд Марцінс перамаглі румынска-ўкраінскі дуэт Ірына-Камелія Бегу / Ангеліна Калініна - 6:2, 6:4.
Лідзія Марозава і іспанская тэнісістка Рэбека Масарава ўступілі ў трохсэтавым матчы расіянкам Вераніцы Кудзярметавай і Людміле Самсонавай - 7:5, 6:7 (4:7), 2:6.
У мужчынскім турніры беларус Ілья Івашка і прадстаўнік Аўстраліі Аляксей Папырын згуляюць з брытанска-фінскай парай Лойд Гласпул / Хары Хеліяваара.-0-
