4 сакавіка, Мінск /Кар. БЕЛТА/. Шведская спартсменка Элізабет Хегберг выйграла спрынтарскую гонку на фінальным этапе Кубка IBU па біятлоне, які праходзіць у "Раўбічах", паведамляе карэспандэнт БЕЛТА.
Дыстанцыю 7,5 км спартсменка пераадолела за 21 мін. 42,7 сек. На другой пазіцыі размясцілася немка Стэфані Шэрэр, уступіўшы лідару гонкі 28,7 сек. Замкнула тройку мацнейшых біятланістак нарвежка Аасне Скрэдзе (адставанне 29,8 сек.). Прадстаўніца зборнай Беларусі Адэліна Сабітава размясцілася на 27-м радку падагульняючага пратакола.
Усяго стартавалі 62 спартсменкі.
Мужчыны выявяць мацнейшага ў аналагічнай гонцы сёння ў 15.00. Сярод беларусаў за ўзнагароды спаборнічаюць Максім Варабей, Віктар Крыўко і Ягор Казарынаў.
Фінальны этап Кубка IBU прадоўжыцца 5 сакавіка спрынтам у дзяўчат (11.00) і юнакоў (14.00). Гонкі будуць праводзіцца з 20-секундным інтэрвалам старту. Закрыюць спаборніцкую праграму 6 сакавіка гонкі з масавым стартам у жанчын (11.00) і мужчын (13.30).
У фінальным этапе Кубка IBU прымае ўдзел 151 спартсмен з 31 краіны.-0-
