26 ліпеня, Токіа /Кар. БЕЛТА/. Беларуская плыўчыха Настасся Шкурдай пазітыўна ацаніла свой удзел у вырашальнай стадыі розыгрышу ўзнагарод на дыстанцыі 100 м батэрфляем, паведамляе карэспандэнт БЕЛТА.
"У цэлым задаволена, што была ў фінале Алімпіяды. Дайшла да гэтай стадыі. Можа, не атрымалася палепшыць свой асабісты рэзультат, але, думаю, усё наперадзе. У Токіа яшчэ паплыву дзве эстафеты і 100-метроўку вольным стылем. На дыстанцыі 100 м хачу праверыць свае сілы і скорасць разам з лепшымі плывунамі свету. Даўно ўжо асвоілася і гатова плыць побач са знакамітымі атлетамі", - сказала спартсменка, размаўляючы з журналістамі.
Пры гэтым Настасся Шкурдай адзначыла, што хоча паспрабаваць свае сілы на іншых дыстанцыях і не адчувае псіхалагічнага дыскамфорту ад таго, што даводзіцца спаборнічаць са знакамітымі атлетамі.-0-
