ДЗЯРЖОРГАНЫДЗЯРЖОРГАНЫ
Флаг Пятніца, 14 мая 2021
Мінск Суцэльная воблачнасць +10°C
Усе навіны
Усе навіны
Спорт
12 красавіка 2021, 11:22

"Шахцёр" умацаваў лідарства ў чэмпіянаце Беларусі па футболе

Фота з архіва
Фота з архіва

12 красавіка, Мінск /Кар. БЕЛТА/. Футбалісты салігорскага "Шахцёра" прадоўжылі пераможную серыю ў стартавых матчах чэмпіянату Беларусі, паведамляе карэспандэнт БЕЛТА.

Сваю чацвёртую вікторыю запар дзеючыя чэмпіёны краіны атрымалі ў Салігорску, упэўнена абыграўшы навабранца вышэйшай лігі "Смаргонь" з лікам 3:0. На 8-й мінуце Ягор Філіпенка забіў першы мяч, а ў другім тайме Нікола Анціч і Ігар Івановіч давялі справу да разгрому.

Усе галоўныя канкурэнты "Шахцёра" ў чацвёртым туры страцілі ачкі. Брэсцкае і мінскае "Дынама" разышліся мірам 1:1, а барысаўскі БАТЭ згуляў унічыю з "Мінскам" - 2:2.

Футбалісты "Гомеля" абыгралі на сваім полі гасцей з гродзенскага "Нёмана" з лікам 2:0. Галявы дубль аформіў Андрэй Салавей, які стаў лідарам бамбардзірскай гонкі, забіўшы пяць мячоў. З такім жа вынікам "Віцебск" абыграў у Мазыры мясцовую "Славію". Тут два галы забіў Руслан Цевераў.

Вынікі астатніх сустрэч: "Слуцк" - "Тарпеда-БелАЗ" (Жодзіна) - 2:0, "Іслач" (Мінскі раён) - "Рух" (Брэст) - 0:1, "Энергетык-БДУ" (Мінск) - "Спадарожнік" (Рэчыца) - 0:1.

Становішча каманд пасля чатырох тураў: "Шахцёр" - 12 ачкоў, "Дынама" (Брэст) - 8, "Дынама" (Мінск) - 8, БАТЭ - 8, "Гомель" - 7, "Тарпеда-БелАЗ" - 6, "Рух" - 6, "Іслач" - 6, "Мінск" - 5, "Віцебск" - 5, "Энергетык-БДУ" - 4, "Слуцк" - 4, "Спадарожнік" - 3, "Нёман" - 2, "Славія" - 1, "Смаргонь" - 1.

У наступным туры сустракаюцца:

16 красавіка

Спадарожнік" - "Іслач", "Віцебск" - "Слуцк";

17 красавіка

"Тарпеда-БелАЗ" - "Дынама" (Брэст), "Нёман" - "Мінск", БАТЭ - "Энергетык-БДУ", "Шахцёр" - "Славія";

18 красавіка

"Дынама" (Мінск) - "Гомель", "Рух" - "Смаргонь".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі