7 ліпеня, Мінск /Кар. БЕЛТА/. Футбалісты салігорскага "Шахцёра" правядуць сёння стартавы матч новага сезона Лігі чэмпіёнаў, паведамляе карэспандэнт БЕЛТА.
У Разградзе чэмпіёны Беларусі сустрэнуцца з лепшай камандай Балгарыі мясцовым "Лудагорцам" (пачатак у 20.00; прамая трансляцыя на тэлеканале "Беларусь 5"). Гэту сустрэчу будзе судзіць нарвежская брыгада арбітраў, якую ўзначаліць Рохі Сагіт. Яго памочнікамі стануць Гейр Ісаксен і Мартэне Ёнсен, рэзервовы рэферы - Марыус Хансен Грэта.
Паядынак у адказ адбудзецца 13 ліпеня ў сербскім Бялградзе. Пераможца двухраўндавай дуэлі чэмпіёнаў Беларусі і Балгарыі ў другім крузе кваліфікацыі згуляе з лепшай камандай пары "Шкендыя" (Паўночная Македонія) - "Мура" (Славенія). Іх учарашняя сустрэча ў Скоп'е завяршылася мінімальнай перамогай славенскага клуба - 1:0. Няўдачнікі першага круга кваліфікацыі галоўнага кантынентальнага турніру прадоўжаць выступленне ў Лізе канферэнцый.
Таксама напярэдадні адбыліся яшчэ шэсць паядынкаў стартавага кваліфікацыйнага раўнда ЛЧ:
"Флора" (Талін, Эстонія) - "Хібірніянс" (Паола, Мальта) - 2:0, "Ферэнцвараш" (Будапешт, Венгрыя) - "Прышціна" (Косава) - 3:0, ХІК (Хельсінкі, Фінляндыя) - "Будучнасць" (Падгорыца, Чарнагорыя) - 3:1, "Жальгірыс" (Вільнюс, Літва) - "Лінфілд" (Белфаст, Паўночная Ірландыя) - 3:1, "Клуж" (Румынія) - "Борац" (Баня-Лука, Боснія і Герцагавіна) - 3:1, "Фола" (Эш, Люксембург) - "Лінкальн" (Гібралтар) - 2:2.-0-