11 мая, Мінск /Кар. БЕЛТА/. Пасля сённяшніх дысцыплінарных пакаранняў з боку АБФФ турнірная табліца чэмпіянату Беларусі зведала значныя змяненні, паведамляе карэспандэнт БЕЛТА.
Так, салігорскі "Шахцёр" апусціўся на апошняе, 15-е месца, сталічны "Энергетык-БДУ" займае перадапошнюю пазіцыю, бабруйская "Белшына" знаходзіцца на 13-м месцы. Як паведамлялася, гэтыя клубы ў мінулым сезоне мелі дачыненне да дагаворных матчаў, за што былі пазбаўлены турнірных ачкоў.
Перад матчамі 8-га тура становішча каманд такое: "Дынама" (Мінск) - 18 ачкоў (7 матчаў), БАТЭ (Барысаў) - 14 (7), "Тарпеда-БелАЗ" (Жодзіна) - 14 (6), "Нёман" (Гродна) - 13 (6), "Славія" (Мазыр) - 10 (7), "Іслач" (Мінскі раён) - 9 (6), "Смаргонь" - 9 (7), "Слуцк" - 8 (7), "Мінск" - 7 (7), "Гомель" - 7 (6), "Нафтан" (Наваполацк) - 5 (7), "Дынама" (Брэст) - 3 (7), "Белшына" - -8 (6), "Энергетык-БДУ" - -16 (6), "Шахцёр" - -17 (6).
У наступным туры сустракаюцца:
12 мая
"Слуцк" - "Іслач";
13 мая
"Энергетык-БДУ" - "Мінск", "Гомель" - "Дынама" (Мінск), "Шахцёр" - "Дынама" (Брэст);
14 мая
"Нафтан" - "Белшына", "Нёман" - "Смаргонь", БАТЭ - "Тарпеда-БелАЗ". Тур прапускаюць футбалісты "Славіі".-0-
