Сцяг Чацвер, 13 чэрвеня 2024
Усе навіны
Усе навіны
Спорт
30 мая 2024, 09:20

Шабліст Коваль стаў шостым на старце чэмпіянату Саюзнай дзяржавы па фехтаванні

Фота НАК Беларусі
Фота НАК Беларусі
30 мая, Мінск /Кар. БЕЛТА/. У Палацы спорту стартаваў адкрыты чэмпіянат Саюзнай Дзяржавы па фехтаванні з удзелам мацнейшых беларускіх і расійскіх спартсменаў, паведамляе карэспандэнт БЕЛТА.

Першыя камплекты ўзнагарод у індывідуальных турнірах разыгралі шаблісты. У мужчынскім асабістым заліку ўвесь п'едэстал аказаўся расійскім: першае месца заняў дзеючы чэмпіён Расіі Анатоль Касценка, серабро - у Аляксандра Трушакова, бронзавыя медалі падзялілі Дзмітрый Даніленка і Кірыл Цюлюкоў. Лепшы з беларусаў Сцяпан Коваль дайшоў да чвэрцьфіналу і ў выніку размясціўся на шостым радку пратакола сярод 46 удзельнікаў.

У жаночым турніры ўсе прызы таксама дасталіся расіянкам. Золата заваявала Вольга Нікіціна, якая ў фінале перамагла двухразовую алімпійскую чэмпіёнку і васьміразовую чэмпіёнку свету Соф'ю Вялікую. На трэцюю прыстыпку п'едэстала падняліся Аляксандра Міхайлава і Паліна Смірнова. Сярод беларусак вышэй за ўсіх фінішавала Кацярына Каралкіна, якая заняла 22-і радок з 47 дзяўчат.

Ганаровымі гасцямі цырымоніі адкрыцця чэмпіянату Саюзнай дзяржавы сталі алімпійскія чэмпіёны Аляксандр Раманькоў і Барыс Карэцкі, начальнік упраўлення нацыянальных каманд Мінспорту Міхаіл Пракапенка, старшыня Беларускай рэспубліканскай федэрацыі фехтавання Віталь Сакалоўскі, а таксама член прэзідыума БРФФ, намеснік міністра сувязі і і інфарматызацыі Наталля Гардзеенка.

У чацвер, 30 мая, мужчыны і жанчыны вызначаць мацнейшых у камандных спаборніцтвах па фехтаванні на шаблях. З 31 мая па 2 чэрвеня медалі турніру будуць разыгрываць шпажысты, а ў пачатку наступнага тыдня праграму спаборніцтваў завершаць рапірысты.-0-
Падпісвайцеся на нас у
Twitter
Топ-навіны
Свежыя навіны Беларусі