18 кастрычніка, Мінск /Кар. БЕЛТА/. Сем беларускіх спартсменаў прэтэндуюць на заваяванне алімпійскіх ліцэнзій у шорт-трэку. Такая інфармацыя змешчана на афіцыйнай старонцы Беларускага саюза канькабежцаў у Instagram, паведамляе БЕЛТА.
На першых кваліфікацыйных стартах Кубка свету ISU, які з 21 па 24 кастрычніка пройдзе ў Пекіне, выступяць Кацярына Чыстая, Яна Дамброўская, Вольга Талаева, Ганна і Марыя Ізафатавы, Мікіта Мігдалёў і Георгій Арлоў. Прэтэндэнты на ўдзел у Гульнях ужо адправіліся ў Кітай, дзе рыхтуюцца да маючага адбыцца турніру.-0-
