Сасновіч перамагла на старце парнага разраду турніру WTA ў Адэлаідзе

8 студзеня, Мінск /Кар. БЕЛТА/. Беларуская тэнісістка Аляксандра Сасновіч і прадстаўніца Чэхіі Кацярына Сінякова выйшлі ў чвэрцьфінал парнага разраду турніру WTA-500 у аўстралійскай Адэлаідзе з прызавым фондам $992 тыс., паведамляе карэспандэнт БЕЛТА.

У стартавым матчы яны перамаглі канадска-новазеландскі тандэм Габрыэла Даброўскі / Эрын Руткліф - 6:4, 2:6, 10:8.

У 1/16 фіналу адзіночнага разраду Аляксандра Сасновіч (83-і нумар сусветнага рэйтынгу) сустрэнецца з 7-й ракеткай планеты чэшкай Маркетай Вандроўшавай. Беларуска прабілася ў асноўную сетку праз кваліфікацыю, перамогшы расійскую тэнісістку Эліну Аванесян (71) і нарвежку Ульрыке Эйкеры (609).-0-