Сцяг Пятніца, 29 сакавіка 2024
Усе навіны
Усе навіны
Спорт
24 студзеня 2023, 12:08

Сасновіч і Міхалікава завяршылі выступленне на Australian Open

24 студзеня, Мінск /Кар. БЕЛТА/. Беларуская тэнісістка Аляксандра Сасновіч і славачка Тэрэза Міхалікава не змаглі прабіцца ў чвэрцьфінал парнага разраду адкрытага чэмпіянату Аўстраліі, паведамляе карэспандэнт БЕЛТА.

Сёння ў 1/8 фіналу беларуска-славацкі тандэм уступіў амерыкана-нідэрландскаму дуэту Дэзірэ Краўчык / Дэмі Схюрс - 3:6, 1:6. У першым раўндзе Сасновіч і Міхалікава перамаглі беларуска-кітайскі дуэт Лідзія Марозава / Сін Юнь-Хань - 6:4, 1:6, 6:3, а потым таксама ў трохсэтавым матчы перамаглі амерыканскую пару Эйша Мухамад / Тэйлар Таўнсенд - 6:2, 6:7 (4:7), 7:5.

Таксама сёння ў чвэрцьфінале адзіночнага разраду беларуская тэнісістка Вікторыя Азаранка (24-ы нумар сусветнага рэйтынгу) сустрэнецца з амерыканкай Джэсікай Пегулай (3). Пераможца іх паядынку згуляе ў паўфінале з прадстаўніцай Казахстана Аленай Рыбакінай (25). Заўтра яшчэ адна беларуска Арына Сабаленка (5) будзе сапернічаць з харваткай Доннай Векіч (64).

Першым удзельнікам паўфінальнай стадыі мужчынскага адзіночнага разраду стаў расіянін Карэн Хачанаў (20), які перамог амерыканскага тэнісіста Себасцьяна Корду (31). Сапернік Хачанава вызначыцца пасля сустрэчы грэка Стэфанаса Цыцыпаса (4) і чэха Іржы Лехечкі (71).

Агульны прызавы фонд цяперашняга аўстралійскага першынства складае $51,5 млн. Пераможцы ў мужчынскім і жаночым адзіночным разрадзе заробяць па $2 млн. Турнір у Мельбурне завершыцца 29 студзеня.-0-

Падпісвайцеся на нас у
Twitter
Топ-навіны
Свежыя навіны Беларусі