2 лютага, Мінск /Кар. БЕЛТА/. Беларуска Аляксандра Сасновіч і ўкраінская тэнісістка Марта Касцюк перамаглі на старце парнага разраду турніру Yarra Valley Classic у аўстралійскім Мельбурне, паведамляе карэспандэнт БЕЛТА.
У матчы 1/16 фіналу беларуска-ўкраінскі тандэм ва ўпартай барацьбе абыграў амерыканскі дуэт Эйжа Мухамад / Джэсіка Пегула - 6:2, 3:6, 10:8.
Да гэтага Аляксандра Сасновіч (90-ы нумар рэйтынгу WTA) не змагла прабіцца ў трэці раўнд адзіночнага разраду турніру Gippsland Trophy, уступіўшы румынскай тэнісістцы Ірыне Бегу (79) - 7:5, 4:6, 4:6. У першым раўндзе Аляксандра Сасновіч выйграла ва ўкраінкі Лесі Цурэнка (148) - 3:6, 6:4, 6:4. Таксама завяршыла выступленне на гэтых спаборніцтвах сёмая ракетка планеты беларуска Арына Сабаленка, якая прайграла ў 1/16 фіналу эстонцы Каі Канепі (94) - 1:6, 6:2, 1:6.
На мужчынскім турніры Murrey River Open Ягор Герасімаў (78) у паядынку першага раўнда перамог у дзвюх партыях паўднёваафрыканскага тэнісіста Лойда Харыса (90) - 6:3, 7:5. Заўтра ў 1/16 фіналу беларус сустрэнецца з венграм Мартанам Фучавічам (55).-0-
