3 студзеня, Мінск /Кар. БЕЛТА/. Дзве беларускія тэнісісткі паспяхова правялі першыя кваліфікацыйныя сустрэчы на турнірах катэгорыі WTA-250 у аўстралійскім Мельбурне, паведамляе карэспандэнт БЕЛТА.
Аляксандра Сасновіч (107-ы нумар сусветнага рэйтынгу) абыграла ў двух сэтах аўстралійскую тэнісістку Алівію Цьяндрамулію (522) - 6:2, 6:3. У паядынку за выхад у асноўную сетку беларуска сустрэнецца з украінкай Лесяй Цурэнка (118).
Вольга Гаварцова (139) таксама ў дзвюх партыях перамагла прадстаўніцу Кітайскага Тайбэя Ен-Шуа Лян (200) - 6:4, 7:6 (7:4). У матчы за траплянне ў асноўную сетку саперніцай беларускай тэнісісткі будзе славачка Вікторыя Кужмава (162).-0-
