ДЗЯРЖОРГАНЫДЗЯРЖОРГАНЫ
Флаг Аўторак, 18 студзеня 2022
Мінск Пераменная воблачнасць -6°C
Усе навіны
Усе навіны
Спорт
06 снежня 2021, 10:21

Самбіст Андрэй Казусёнак выйграў адкрыты Кубак Саюзнай дзяржавы

Фота з архіва
Фота з архіва

6 снежня, Мінск /Кар. БЕЛТА/. Беларускі спартсмен Андрэй Казусёнак выйграў адкрыты Кубак Саюзнай дзяржавы Беларусі і Расіі па самба ў Сочы, паведамляе карэспандэнт БЕЛТА.

У вырашальным паядынку ўраджэнец Бабруйска перамог шматразовага чэмпіёна свету Арцёма Асіпенку з Расіі.

У спаборніцтвах, якія праводзіліся ў абсалютнай вагавой катэгорыі, удзельнічалі 14 атлетаў з Беларусі, Расіі, Славеніі, Паўночнай Македоніі, Таджыкістана, Узбекістана, Іспаніі, Малдовы, Манголіі, Балгарыі, Кыргызстана, Сербіі і Арменіі. У рамках спаборніцтва праходзілі круглыя сталы, майстар-класы, аўтограф-сесіі са знакамітымі барцамі і іншыя актыўнасці.

Накіраваў прывітанне ўдзельнікам, арганізатарам і гасцям спаборніцтваў Прэзідэнт Беларусі Аляксандр Лукашэнка. Кіраўнік дзяржавы падкрэсліў, што, нягледзячы на нядоўгую гісторыю, сочынскі турнір як сімвал непарушнай беларуска-расійскай дружбы ўжо мае свае добрыя традыцыі, высокі статус і, несумненна, вялікую будучыню.

Адкрыты Кубак Саюзнай дзяржавы Беларусі і Расіі праходзіць трэці раз. Пераможца турніру атрымаў $4 тыс., спартсмены, якія занялі другое і трэцяе месцы, - $3 тыс. і $1,5 тыс. адпаведна. Акрамя таго, арганізатары прадугледзелі спецыяльныя прызы за лепшую тэхніку і волю да перамогі ў памеры $1 тыс. У арганізацыі турніру прымае ўдзел Міністэрства спорту і турызму Беларусі, Міністэрства спорту Расіі, а таксама пастаянна дзеючы камітэт Саюзнай дзяржавы Беларусі і Расіі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі