17 жніўня, Мінск /Кар. БЕЛТА/. Беларуска Арына Сабаленка захавала адзінаццатую пазіцыю ў абноўленым рэйтынгу Жаночай тэніснай асацыяцыі (WTA), паведамляе карэспандэнт БЕЛТА.
На мінулым тыдні лепшая на сённяшні дзень беларуская тэнісістка згуляла на турніры ў амерыканскім Лексінгтане, пацярпеўшы паражэнне ў 1/8 фіналу. Цяпер у актыве Арыны Сабаленка 3615 ачкоў. Экс-першая ракетка планеты Вікторыя Азаранка займае 59-е месца, маючы 992 балы, у Аляксандры Сасновіч 638 ачкоў і 105-я пазіцыя, Вольга Гаварцова мае 520 балаў і знаходзіцца на 129-м месцы.
У першай дзясятцы сусветнага рэйтынгу WTA змяненняў не адбылося:
1. Эшлі Барці (Аўстралія) - 8717 ачкоў,
2. Сімона Халеп (Румынія) - 6356,
3. Караліна Плішкава (Чэхія) - 5205,
4. Сафія Кенін (ЗША) - 4590,
5. Эліна Світоліна (Украіна) - 4580,
6. Б'янка Андрэеску (Канада) - 4555,
7. Кікі Бертэнс (Нідэрланды) - 4335,
8. Белінда Бенчыч (Швейцарыя) - 4010,
9. Серэна Уільямс (ЗША) - 3975,
10. Наомі Осака (Японія) - 3625.
Мужчынскі сусветны тур пакуль не аднавіўся, рэстарт сезона запланаваны на 22 жніўня, калі ў Н'ю-Ёрку пачнецца турнір Western & Southern Open з агульным прызавым фондам больш за $7,1 млн. Потым, з 31 жніўня па 13 верасня, там жа пройдзе чарговы турнір серыі "Вялікага шлема".
Топ-10 рэйтынгу Асацыяцыі тэнісістаў-прафесіяналаў:
1. Новак Джокавіч (Сербія) - 10220,
2. Рафаэль Надаль (Іспанія) - 9850,
3. Дамінік Цім (Аўстрыя) - 7045,
4. Роджэр Федэрэр (Швейцарыя) - 6630,
5. Данііл Мядзведзеў (Расія) - 5890,
6. Стэфанас Цыцыпас (Грэцыя) - 4745,
7. Аляксандр Звераў (Германія) - 3630,
8. Матэа Берэціні (Італія) - 2860,
9. Гаэль Манфіс (Францыя) - 2860,
10. Давід Гафен (Бельгія) - 2555.
Лепшы з беларусаў Ягор Герасімаў знаходзіцца на 69-й пазіцыі, маючы 744 ачкі, у Ільі Івашкі 396 балаў і 138-е месца ў сусветным рэйтынгу.-0-
