19 студзеня, Мінск /Кар. БЕЛТА/. Другая ракетка планеты Арына Сабаленка выйшла ў 1/8 фіналу адкрытага чэмпіянату Аўстраліі, паведамляе карэспандэнт БЕЛТА.
Мінулай ноччу дзеючая чэмпіёнка Australian Open у матчы трэцяга раўнда разграміла ўкраінскую тэнісістку Лесю Цурэнка (33-і нумар сусветнага рэйтынгу) - 6:0, 6:0. У першым крузе Сабаленка абыграла немку Элу Зайдэль (173), а потым перамагла чэшку Брэнду Фрухвіртаву (107). У барацьбе за выхад у чвэрцьфінал яе саперніцай будзе прадстаўніца ЗША Аманда Анісімава (442).
Яшчэ адна беларуская тэнісістка Вікторыя Азаранка (22) прабілася ў 1/16 фіналу, перамогшы ў трохсэтавых паядынках італьянку Камілу Джорджы (53) і датчанку Клару Таўсан (96). У трэцім раўндзе беларуска сустрэнецца з латвійскай тэнісісткай Аленай Астапенка (10). Вікторыя Азаранка двойчы выйгравала аўстралійскае першынство (2012, 2013).
На старце парнага разраду беларуская тэнісістка Лідзія Марозава і полька Катажына Піцер прайгралі сербска-японскаму дуэту Аляксандра Круніч / Сюко Ааяма - 1:6, 1:6. Раней у другі раўнд прабіліся беларуска Аляксандра Сасновіч і расіянка Ганна Блінкова, а таксама яшчэ адна беларуска-расійская пара Ірына Шымановіч / Эліна Аванесян.-0-
