13 жніўня, Мінск /Кар. БЕЛТА/. 11-я ракетка планеты беларуска Арына Сабаленка не змагла прайсці ў чвэрцьфінал турніру ў амерыканскім Лексінгтане з прызавым фондам $202 тыс., паведамляе карэспандэнт БЕЛТА.
У паядынку 1/8 фіналу беларуская тэнісістка прайграла амерыканцы Коры Гаўф (53-і нумар сусветнага рэйтынгу) - 6:7 (4:7), 6:4, 4:6. Сустрэча прадаўжалася дзве гадзіны 50 мінут.
У чвэрцьфінале Коры Гаўф будзе сапернічаць з туніскай тэнісісткай Унс Джабір (39), якая абыграла беларуску Вольгу Гаварцову (135) - 3:6, 6:2, 6:4. У першым крузе Арына Сабаленка перамагла ў трохсэтавым паядынку амерыканку Мэдысан Брэнгл (80) - 6:1, 6:7 (5:7), 6:2.
Спаборніцтвы ў Лексінгтане завершацца 16 жніўня.-0-
