17 студзеня, Мінск /Кар. БЕЛТА/. Другая ракетка свету Арына Сабаленка выйшла ў трэці круг адкрытага чэмпіянату Аўстраліі, паведамляе карэспандэнт БЕЛТА.
Сёння ў матчы 1/32 фіналу беларуска перамагла чэшскую тэнісістку Брэнду Фрухвіртаву (107-ы нумар рэйтынгу WTA) - 6:3, 6:2. Сустрэча доўжылася 1 гадзіну 7 мінут. На старце дзеючая чэмпіёнка Australian Open разграміла немку Элу Зайдэль (172) - 6:0, 6:1. У трэцім раўндзе будзе сапернічаць з пераможцай сустрэчы паміж украінкай Лесяй Цурэнка (33) і прадстаўніцай Іспаніі Рэбекай Машаравай (91), якая ў 1/64 фіналу перамагла беларуску Аляксандру Сасновіч (81).
Двухразовая пераможца аўстралійскага першынства Вікторыя Азаранка (22) у першым раўндзе перамагла італьянскую тэнісістку Камілу Джорджы - 6:1, 4:6, 6:3. Наступнай саперніцай беларускі будзе датчанка Клара Таўсан (96).-0-
