3 чэрвеня, Мінск /Кар. БЕЛТА/. Беларуская тэнісістка Арына Сабаленка (4-ы нумар сусветнага рэйтынгу) выйшла ў 1/16 фіналу адкрытага чэмпіянату Францыі ў Парыжы, паведамляе карэспандэнт БЕЛТА.
2 чэрвеня ў паядынку другога раўнда Арына Сабаленка перамагла ў дзвюх партыях яшчэ адну беларуску Аляксандру Сасновіч (103) - 7:5, 6:3. Сустрэча прадаўжалася 1 гадзіну 31 мінуту. Наступнай саперніцай Сабаленка будзе расійская тэнісістка Настасся Паўлючэнкава (32).
На старце турніру Арына Сабаленка абыграла харвацкую тэнісістку Ану Конюх (144) - 6:4, 6:3, а Аляксандра Сасновіч адолела ў трохсэтавым паядынку французскую тэнісістку Дзіян Пары (307) - 6:3, 3:6, 6:3.
Экс-першая ракетка планеты беларуска Вікторыя Азаранка (16) перамагла 2 чэрвеня датчанку Клару Таўсан (90) - 7:5, 6:4. У першым раўндзе "Ралан Гарос" Вікторыя Азаранка перайграла расійскую тэнісістку Святлану Кузняцову (40) - 6:4, 2:6, 6:3. У паядынку 1/16 фіналу саперніцай беларускі будзе амерыканка Мэдзісан Кіз (24).
У першым раўндзе парнага разраду Аляксандра Сасновіч і ўкраінская тэнісістка Марта Касцюк згуляюць з латвійска-румынскім тандэмам Алена Астапенка / Моніка Нікулеску.
Другі ў сезоне турнір серыі "Вялікага шлема" фінішуе ў Парыжы 13 чэрвеня. У гэтым годзе прызавы фонд "Ралан Гарос" адзіночных разрадаў у мужчын і жанчын складзе па 34,3 млн еўра. Пераможцы атрымаюць па 1,4 млн еўра.-0-
