1 красавіка, Мінск /Кар. БЕЛТА/. Беларуская тэнісістка Арына Сабаленка і бельгійка Элізэ Мертэнс сталі пераможцамі парнага разраду турніру ў амерыканскім Маямі, паведамляе карэспандэнт БЕЛТА.
У фінальным матчы беларуска-бельгійскі тандэм сустракаўся з аўстралійска-кітайскай парай Саманта Стосур / Чжан Шуай і выйграў у двух сэтах - 7:6 (7:5), 6:2.
Гэта другі запар парны тытул Арыны Сабаленка і Элізэ Мертэнс - у сярэдзіне сакавіка яны сталі пераможцамі на турніры ў амерыканскім Індыян-Уэлсе.
У вырашальным паядынку адзіночнага разраду ў Маямі аўстралійка Эшлі Барці (11-ы нумар сусветнага рэйтынгу) узяла верх над чэшкай Каралінай Плішкавай (7) - 7:6 (7:1), 6:3.
У мужчын пераможцам стаў швейцарскі тэнісіст Роджэр Федэрэр (5), які перайграў у фінале амерыканца Джона Ізнера (9) - 6:1, 6:4. Для 37-гадовага швейцарца гэта 101-ы чэмпіёнскі тытул на турнірах пад эгідай Асацыяцыі тэнісістаў-прафесіяналаў.-0-
