23 мая, Мінск /Кар. БЕЛТА/. Перад стартам на "Ралан Гарос" лепшая беларуская тэнісістка Арына Сабаленка захавала 7-ю пазіцыю ў рэйтынгу Жаночай тэніснай асацыяцыі (WTA), паведамляе карэспандэнт БЕЛТА.
Цяпер у Арыны Сабаленка 3966 ачкоў, у першым раўндзе адкрытага чэмпіянату Францыі яна сустрэнецца з францужанкай Хлояй Паке, якая займае 101-е месца ў сусветным рэйтынгу. Экс-першая ракетка планеты Вікторыя Азаранка засталася на 15-м месцы (2440 балаў), яе саперніцай у 1/16 фіналу спаборніцтваў у Парыжы будзе румынка Ана Богдан (93-і нумар рэйтынгу WTA). Яшчэ адна беларуска Аляксандра Сасновіч апусцілася з 45-га на 47-ы радок (1183). Учора ў першым крузе "Ралан Гарос" яна абыграла кітаянку Ван Сіньюй (77) - 6:4, 6:1.
Першая дзясятка рэйтынгу WTA:
1. Іга Свёнтак (Польшча) - 7061 ачко;
2. Барбара Крэйчыкава (Чэхія) - 4911;
3. Марыя Сакары (Грэцыя) - 4726;
4. Паўла Бадоса (Іспанія) - 4545;
5. Анет Кантавейт (Эстонія) - 4446;
6. Унс Джабір (Туніс) - 4380;
7. Арына Сабаленка (Беларусь) - 3966;
8. Караліна Плішкава (Чэхія) - 3678;
9. Даніэль Колінз (ЗША) - 3315;
10. Гарбінье Мугуруса (Іспанія) - 3060.
У рэйтынгу Асацыяцыі тэнісістаў-прафесіяналаў (АТР) лепшы з беларусаў Ілья Івашка па-ранейшаму займае 50-е месца (1010), яшчэ адзін беларускі тэнісіст Ягор Герасімаў знаходзіцца на 145-й пазіцыі (429). Сёння ў першым раўндзе другога ў сезоне турніру серыі "Вялікага шлема" сапернікам Ільі Івашкі будзе француз Бенуа Пер (78).
Першая дзясятка рэйтынгу АТР:
1. Новак Джокавіч (Сербія) - 8660;
2. Данііл Мядзведзеў (Расія) - 7980;
3. Аляксандр Звераў (Германія) - 7075;
4. Стэфанас Цыцыпас (Грэцыя) - 5965;
5. Рафаэль Надаль (Іспанія) - 5525;
6. Карлас Алькарас (Іспанія) - 4648;
7. Андрэй Рублёў (Расія) - 3945;
8. Каспер Рууд (Нарвегія) - 3940;
9. Фелікс Ажэ-Альясім (Канада) - 3820;
10. Матэа Берэціні (Італія) - 3805.-0-
