Сабаленка і Алькарас па-ранейшаму ўзначальваюць тэнісныя рэйтынгі
 

30 сакавіка, Мінск /Кар. БЕЛТА/. Пасля перамогі на турніры ў Маямі Арына Сабаленка амаль на 3000 ачкоў апярэджвае Алену Рыбакіну ў рэйтынгу Жаночай тэніснай асацыяцыі (WTA), паведамляе карэспандэнт БЕЛТА.

У актыве лідара сусветнага рэйтынгу цяпер 11 025 ачкоў. Акрамя таго, пасля "Сонечнага дубля" - перамогі ў Індыян-Уэлсе і Маямі, Арына Сабаленка выйшла на першае месца і ў чэмпіёнскай гонцы гэтага сезона. Фіналістка турніру ў Маямі Коры Гаўф узнялася на трэцюю пазіцыю, абышоўшы польскую тэнісістку Ігу Свёнтак. Беларуская тэнісістка Аляксандра Сасновіч перамясцілася на пяць пазіцый уверх і знаходзіцца на 111-м месцы, Ірына Шымановіч займае 166-ю пазіцыю, а ў Вікторыі Азаранка 204-е месца. Адразу на 37 месцаў паднялася Алёна Фалей - цяпер яна займае 238-ы радок сусветнага рэйтынгу.

Топ-10 абноўленага рэйтынгу WTA:

1. Арына Сабаленка (Беларусь) - 11 025 ачкоў;
2. Алена Рыбакіна (Казахстан) - 8108;
3. Коры Гаўф (ЗША) - 7278; 
4. Іга Свёнтак (Польшча) - 7263;
5. Джэсіка Пегула (ЗША) - 6243;
6. Аманда Анісімава (ЗША) - 6180;
7. Эліна Світоліна (Украіна) - 3965; 
8. Жасмін Пааліні (Італія) - 3907;
9. Вікторыя Мбока (Канада) - 3531;  
10. Міра Андрэева (Расія) - 3121. 

Рэйтынг Асацыяцыі тэнісістаў-прафесіяналаў (ATP) па-ранейшаму ўзначальвае іспанец Карлас Алькарас, услед за ім ідзе трыумфатар Miami Open італьянскі тэнісіст Янік Сінер, на трэцюю пазіцыю падняўся прадстаўнік Германіі Аляксандр Звераў, які абышоў серба Новака Джокавіча. Лепшы з прадстаўнікоў Беларусі Эрык Аруцюнян займае 498-е месца.-0-