18 мая, Мінск /Кар. БЕЛТА/. Футбалісты брэсцкага "Руха" згулялі ўнічыю са "Смалявічамі" ў дамашнім матчы 9-га тура чэмпіянату Беларусі, паведамляе карэспандэнт БЕЛТА.
Сустрэча ў Брэсце прайшла з невялікай перавагай гаспадароў поля, але рэалізаваць яе не ўдалося. Госці таксама мелі магчымасць вызначыцца, аднак і ім не ўдалося дабіцца поспеху - нічыя 0:0.
Рэзультаты астатніх сустрэч 9-га тура: БАТЭ (Барысаў) - "Слуцк" - 3:0, "Тарпеда-БелАЗ" (Жодзіна) - "Гарадзея" - 3:1, "Энергетык-БДУ" (Мінск) - "Дынама" (Брэст) - 2:1, "Шахцёр" (Салігорск) - "Славія" (Мазыр) - 2:0, "Белшына" (Бабруйск) - "Віцебск" - 1:1, "Дынама" (Мінск) - "Іслач "(Мінскі раён) - 1:0. Матч паміж "Мінскам" і гродзенскім "Нёманам" перанесены на больш позні тэрмін.
Турнірнае становішча пасля дзевяці тураў: БАТЭ - 19 ачкоў, "Тарпеда-БелАЗ", "Энергетык-БДУ" - па 18, "Слуцк" - 16, "Іслач", "Шахцёр" - па 15, "Дынама" (Брэст), "Рух" - па 13, "Дынама" (Мінск), "Віцебск" - 12, "Гарадзея", "Славія" - па 11, "Мінск" - 10, "Нёман" - 8, "Смалявічы" - 4, "Белшына" - 3.
Бамбардзірскую гонку ўзначальваюць Гегам Кадзімян ("Нёман") і Джасурбек Яхшыбоеў ("Энергетык-БДУ"), якія забілі па 6 мячоў.
У наступным туры сустракаюцца:
20 мая
"Дынама" (Брэст) - БАТЭ;
21 мая
"Нёман" - "Тарпеда-БелАЗ";
22 мая
"Славія" - "Гарадзея", "Шахцёр" - "Белшына";
23 мая
"Смалявічы" - "Мінск", "Слуцк" - "Рух", "Іслач" - "Энергетык-БДУ", "Віцебск" - "Дынама" (Мінск).-0-
