ДЗЯРЖОРГАНЫДЗЯРЖОРГАНЫ
Флаг Панядзелак, 21 чэрвеня 2021
Мінск Воблачна з праясненнямі +24°C
Усе навіны
Усе навіны
Спорт
14 мая 2021, 15:56

Рэчыцкі "Спадарожнік" прыме футбалістаў "Славіі" ў Магілёве

Фота ФК "Спадарожнік Рэчыца"
Фота ФК "Спадарожнік Рэчыца"

14 мая, Мінск /Кар. БЕЛТА/. На футбольным чэмпіянаце Беларусі сёння адбудуцца стартавыя сустрэчы 9-га тура, паведамляе карэспандэнт БЕЛТА.

У першай з іх дэбютанты вышэйшай лігі футбалісты рэчыцкага "Спадарожніка" прымуць на полі магілёўскага стадыёна "Спартак" мазырскую "Славію". Рэчыцкая каманда, якая замыкае турнірную табліцу, свае папярэднія дамашнія сустрэчы праводзіла ў Гомелі. У мінулым туры "Спадарожнік", які пацярпеў сем паражэнняў у васьмі праведзеных матчах, у мінулым туры прайграў у Брэсце мясцоваму "Руху" з лікам 0:2. Ненамнога лепш пачалі сезон мазыране, у якіх усяго 5 ачкоў. У мінулы ўік-энд "Славія" ў сябе дома згуляла ўнічыю з брэсцкім "Дынама" - 1:1.

У другім сённяшнім паядынку адны з фаварытаў турніру футбалісты мінскага "Дынама" на сваёй арэне сустрэнуцца з яшчэ адным няўдачнікам стартавага адрэзка "Смаргонню". У апошніх трох гульнях дынамаўцы дабіліся перамог, абыграўшы ў мінулым туры "Іслач" з вынікам 3:1. Апаненты мінчан у папярэдняй сустрэчы ўступілі ў сябе дома гродзенскаму "Нёману" з лікам 0:2 і займаюць перадапошняе, 15-е месца.

Заўтра лідар чэмпіянату салігорскі "Шахцёр", які не страціў яшчэ ні аднаго ачка, згуляе ў гасцях у "Нёмана". Таксама ў суботу "Тарпеда-БелАЗ" сустрэнецца ў Жодзіне з футбалістамі "Іслачы", а БАТЭ на полі "Барысаў-Арэны" прыме "Рух".

Тры заключныя матчы гэтага тура адбудуцца 16 мая: "Слуцк" - "Мінск", "Віцебск" - "Энергетык-БДУ" (Мінск), "Дынама" (Брэст) - "Гомель".

Становішча каманд пасля 8 тураў: "Шахцёр" - 24 ачкі, БАТЭ - 17, "Дынама" (Мінск) - 17, "Гомель" - 15, "Рух" - 15, "Дынама" (Брэст) - 14, "Іслач" - 12, "Тарпеда-БелАЗ" - 11, "Мінск" - 9, "Віцебск" - 9, "Нёман" - 6, "Слуцк" - 6, "Энергетык-БДУ" - 6, "Славія" - 5, "Смаргонь" - 4, "Спадарожнік" - 3.

Лідарам бамбардзірскай гонкі з'яўляецца гамбійскі нападаючы "Шахцёра" Дэмба Дарба, які забіў 9 мячоў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі