27 снежня, Мінск /Кар. БЕЛТА/. Расціслаў Вяргун змяніў Аляксандра Круцікава на пасадзе галоўнага трэнера мужчынскай зборнай Беларусі па баскетболе. Такое рашэнне прыняў выканкам Беларускай федэрацыі баскетбола, паведамілі БЕЛТА ў прэс-службе БФБ.
Асістэнтам новага настаўніка беларускай зборнай будзе трэнер магілёўскага "Барысфена" Андрэй Крыванос, а польскі спецыяліст Войцек Валіх будзе трэнерам па агульнай фізічнай падрыхтоўцы.
Старшыня БФБ Максім Рыжанкоў адзначыў, што ранейшы настаўнік каманды Аляксандр Круцікаў правёў вялікую работу, даўшы шанц праявіць сябе многім маладым баскетбалістам з беларускага чэмпіянату. Аднак галоўным крытэрыем работы трэнера з'яўляецца рэзультат, а яго беларускай зборнай дасягнуць не ўдалося - у 2019 годзе зборная не выйшла ў асноўны раўнд кваліфікацыі чэмпіянату Еўропы-2021. Старшыня Федэрацыі назваў Расціслава Вергуна (ён узначальвае ў тым ліку чэмпіёна краіны "Цмокі-Мінск") прадстаўніком новага пакалення трэнераў, які пастаянна ўдасканальвае свае прафесійныя навыкі.
Першым выпрабаваннем для новага трэнерскага штаба нацыянальнай зборнай стануць матчы кваліфікацыі чэмпіянату свету-2023. Стартавыя паядынкі першага адборачнага этапу ЧС беларусы правядуць у лютым 2020 года супраць каманд Кіпра і Партугаліі.-0-
