10 чэрвеня, Мінск /Кар. БЕЛТА/. Расійскія атлеты Аляксандр Ліфанаў і Максім Кузняцоў выйгралі мужчынскую эстафету на чэмпіянаце свету па сучасным пяцібор'і, які праходзіць у Каіры, паведамляе карэспандэнт БЕЛТА.
Перамогу прадстаўнікам суседняй краіны забяспечыў вынік у 1491 ачко. Гэта першая перамога расіян у такім відзе праграмы з 2004 года. Другое месца па выніках эстафеты занялі прадстаўнікі Рэспублікі Карэя Юнг Джын Хван і Чун Ун-Тэ - 1486 ачкоў. Бронзу заваявала дружына Кітая: Жан Лінбін і Джыхаа Хань - 1482 ачкі. Мужчынская зборная Беларусі, за якую выступалі Яўген Арол і Кірыл Касьяннік занялі дзясятае месца з падагульняючым вынікам 1436 ачкоў.
Нагадаем, што напярэдадні ў жаночай эстафеце залаты медаль заваявалі беларускі Ірына Прасянцова і Вольга Сілкіна. Чэмпіянат свету ў Каіры прадоўжыцца 10-12 чэрвеня індывідуальнымі спаборніцтвамі. Завершацца спаборніцтвы 14 чэрвеня змешанай эстафетай.-0-