6 студзеня, Мінск /Кар. БЕЛТА/. Міжнародная федэрацыя хакея (IIHF) у канцы мая прыме рашэнне па ўдзеле зборных Беларусі і Расіі ў чэмпіянатах свету, паведамляюць РІА Навіны.
Сёння на афіцыйным сайце IIHF апублікаваны склад груп на маладзёжны чэмпіянат свету 2024 года ў шведскім Гётэбаргу, зборныя Беларусі і Расіі ў спіс удзельнікаў не ўвайшлі. Кіраўнік федэрацыі Люк Тардыф паведаміў, што рашэнне аб вяртанні беларускіх і расійскіх хакеістаў на міжнародную арэну, у тым ліку маладзёжны ЧС, будзе прынята на кангрэсе арганізацыі ў Фінляндыі ў канцы мая.
Раней IIHF адмовіла зборным Беларусі і Расіі ва ўдзеле ў планетарным форуме 2023 года. У мінулым верасні кангрэс федэрацыі прыняў рашэнне, што нацыянальныя каманды абедзвюх краін пасля зняцця адхілення ад міжнародных спаборніцтваў вернуцца ў элітны дывізіён чэмпіянату свету.-0-
