7 снежня, Мінск /Кар. БЕЛТА/. Раман Грыбоўскі прызнаны лепшым іграком футбольнага чэмпіянату Беларусі ў лістападзе. Такі вынік традыцыйнага апытання асацыяцыі "Беларуская федэрацыя футбола", у якім удзельнічаюць журналісты вядучых беларускіх СМІ, паведамляе карэспандэнт БЕЛТА.
У трох лістападаўскіх матчах чэмпіянату краіны 26-гадовы нападаючы гродзенскага "Нёмана" быў адным з лідараў каманды, забіўшы тры галы. Усяго ў чэмпіянаце Беларусі Раман Грыбоўскі сем разоў забіваў у вароты сапернікаў. Гродзенскі "Нёман" набраў 34 ачкі і заняў 11-е месца. Па выніках галасавання Раман Грыбоўскі атрымаў 27 з 36 магчымых балаў, апярэдзіўшы Яўгена Яблонскага (БАТЭ, Барысаў), Яўгена Барсукова ("Славія", Мазыр) і Дзяніса Лявіцкага ("Гомель").
Лепшым трэнерам у лістападзе стаў настаўнік "Гомеля" Іван Біёнчык. У трох лістападаўскіх паядынках яго падапечныя атрымалі дзве перамогі і адзін раз згулялі ўнічыю. У апошнім матчы 31-га нацыянальнага першынства "Гомель" атрымаў перамогу ў Салігорску над чэмпіёнамі краіны футбалістамі "Шахцёра" і з 59 баламі фінішаваў на чацвёртай пазіцыі ў турнірнай табліцы. Па выніках апытання журналістаў Іван Біёнчык набраў 22 балы з 36 магчымых. Ён апярэдзіў сваіх калег Віталя Жукоўскага (БАТЭ, Барысаў), Аляксандра Бразевіча ("Слуцк") і Вячаслава Грыгарава ("Рух", Брэст).-0-