Фота з архіва
17 верасня, Мінск /Кар. БЕЛТА/. У Міністэрстве спорту і турызму Рэспублікі Беларусь адбылася цырымонія ўшаноўвання прызёраў Летніх Алімпійскіх гульняў у Парыжы, паведамляе карэспандэнт БЕЛТА.
Падзякі Прэзідэнта Рэспублікі Беларусь былі ўручаны двухразоваму алімпійскаму чэмпіёну ў скачках на батуце Івану Літвіновічу, сярэбраным медалістам Гульняў-2024 Віялеце Бардзілоўскай (батут) і Яўгену Залатому (акадэмічнае веславанне), а таксама ўладальніку бронзы ў цяжкай атлетыцы Яўгену Ціханцову. Акрамя таго, прызёры Гульняў, а таксама трэнеры і спецыялісты, якія прымалі ўдзел у іх падрыхтоўцы на розных этапах кар'еры, атрымалі грашовыя сертыфікаты. Ганаровымі граматамі Мінспорту былі ўзнагароджаны фіналісткі алімпійскіх спаборніцтваў Таццяна Клімовіч (акадэмічнае веславанне) і Юлія Трушкіна (веславанне на каноэ).
"Хачу павіншаваць усіх з Днём народнага адзінства - свята маладое, але вельмі важнае. Быць з'яднанымі неабходна, у Парыжы нас было ўсяго 17 чалавек, мы падтрымлівалі адзін аднаго і заўсёды былі побач. Ведалі, што за нас балела ўся краіна, людзі пісалі, давалі нам штуршок і падтрымлівалі ў любой сітуацыі, - адзначыў Яўген Залатой. - Удзячны за тое, што разам са спартсменамі сёння таксама былі ўзнагароджаны масажысты і першыя трэнеры, без іх гэтых медалёў не было б".
"Спецыялісты, побач з якімі атлеты пачалі свой шлях на вяршыню Алімпу, заслугоўваюць гэтых узнагарод не менш. Важна разгледзець талент у самым юным узросце, паставіць дзіця на ногі. Таму дзяржава ацаніла працу першых трэнераў па заслугах, - падкрэсліў міністр спорту Сяргей Кавальчук. - Таксама мы прынялі рашэнне заахвоціць атлетаў, якія выступалі ў фіналах, але ім крыху не хапіла. Трапіць у васьмёрку на Алімпіядзе - вельмі прэстыжна, некаторых аддзялілі ад узнагарод літаральна дзясятыя секунды. Але юнакі і дзяўчаты яшчэ вельмі маладыя, для многіх гэта былі першыя Гульні. Упэўнены, яны зробяць высновы, і пры правільнай рабоце наступны раз абавязкова падымуцца на п'едэстал".-0-
Падзякі Прэзідэнта Рэспублікі Беларусь былі ўручаны двухразоваму алімпійскаму чэмпіёну ў скачках на батуце Івану Літвіновічу, сярэбраным медалістам Гульняў-2024 Віялеце Бардзілоўскай (батут) і Яўгену Залатому (акадэмічнае веславанне), а таксама ўладальніку бронзы ў цяжкай атлетыцы Яўгену Ціханцову. Акрамя таго, прызёры Гульняў, а таксама трэнеры і спецыялісты, якія прымалі ўдзел у іх падрыхтоўцы на розных этапах кар'еры, атрымалі грашовыя сертыфікаты. Ганаровымі граматамі Мінспорту былі ўзнагароджаны фіналісткі алімпійскіх спаборніцтваў Таццяна Клімовіч (акадэмічнае веславанне) і Юлія Трушкіна (веславанне на каноэ).
"Хачу павіншаваць усіх з Днём народнага адзінства - свята маладое, але вельмі важнае. Быць з'яднанымі неабходна, у Парыжы нас было ўсяго 17 чалавек, мы падтрымлівалі адзін аднаго і заўсёды былі побач. Ведалі, што за нас балела ўся краіна, людзі пісалі, давалі нам штуршок і падтрымлівалі ў любой сітуацыі, - адзначыў Яўген Залатой. - Удзячны за тое, што разам са спартсменамі сёння таксама былі ўзнагароджаны масажысты і першыя трэнеры, без іх гэтых медалёў не было б".
"Спецыялісты, побач з якімі атлеты пачалі свой шлях на вяршыню Алімпу, заслугоўваюць гэтых узнагарод не менш. Важна разгледзець талент у самым юным узросце, паставіць дзіця на ногі. Таму дзяржава ацаніла працу першых трэнераў па заслугах, - падкрэсліў міністр спорту Сяргей Кавальчук. - Таксама мы прынялі рашэнне заахвоціць атлетаў, якія выступалі ў фіналах, але ім крыху не хапіла. Трапіць у васьмёрку на Алімпіядзе - вельмі прэстыжна, некаторых аддзялілі ад узнагарод літаральна дзясятыя секунды. Але юнакі і дзяўчаты яшчэ вельмі маладыя, для многіх гэта былі першыя Гульні. Упэўнены, яны зробяць высновы, і пры правільнай рабоце наступны раз абавязкова падымуцца на п'едэстал".-0-
Падпісвайцеся на нас у
