Протас аддаў галявую перадачу ў пераможным матчы "Вашынгтона"

2 красавіка, Мінск /Кар. БЕЛТА/. Беларускі нападаючы "Вашынгтона" Аляксей Протас вызначыўся рэзультатыўным дзеяннем у матчы рэгулярнага чэмпіянату Нацыянальнай хакейнай лігі, паведамляе карэспандэнт БЕЛТА.

Ноччу серады па мінскім часе сталічны клуб на выездзе атрымаў перамогу над "Бостанам" з лікам 4:3, Протас асісціраваў Дылану Строўму пры трэцім узяцці варот гаспадароў. Гэта набранае ачко стала для віцябчаніна 66-м (30+36) у 74-х матчах сезона. Адну з шайбаў за "Вашынгтон" у гэтай гульні закінуў капітан клуба Аляксандр Авечкін, які скараціў адставанне ад рэкорду Уэйна Грэцкі па галах у рэгулярных чэмпіянатах НХЛ да трох.

Наступны паядынак лідзіруючыя на Усходзе "Кэпіталз" правядуць ужо заўтра ў гасцях у "Караліны".-0-