29 чэрвеня, Мінск /Кар. БЕЛТА/. Прэзідэнт Міжнароднага алімпійскага камітэта (МАК) Томас Бах наведае цырымонію закрыцця II Еўрапейскіх гульняў у Мінску, паведамілі карэспандэнту БЕЛТА ў прэс-службе НАК Беларусі.
Кіраўнік МАК прыбудзе ў Мінск 30 чэрвеня чартарным рэйсам з Осакі (Японія). Томас Бах плануе ўбачыць таксама спаборніцтвы II Еўрапейскіх гульняў па бадмінтоне, спартыўнай гімнастыцы, грэка-рымскай барацьбе і каратэ.
Цырымонія закрыцця II Еўрапейскіх гульняў у Мінску адбудзецца на стадыёне "Дынама" і пачнецца ў 22.00.-0-