Фота Міжнароднай федэрацыі хакея на траве
2 лютага, Мінск /Кар. БЕЛТА/. Старшыня Беларускай федэрацыі хакея на траве Аляксандр Грачоў у гутарцы з карэспандэнтам БЕЛТА расказаў аб рашэнні міжнароднай федэрацыі па зняцці абмежаванняў з беларускіх юніёраў.
Міжнародная федэрацыя хакея на траве (FIH) дапусціла да спаборніцтваў пад сваёй эгідай зборныя Беларусі да 16 і да 18 гадоў. Нашы каманды будуць выступаць ва ўласнай форме, пад нацыянальным сцягам і з гімнам.
"Дыялог з кіраўніцтвам FIH мы вялі доўга. Яны гаварылі, што не супраць нашага вяртання на сусветную арэну, але толькі пасля рэкамендацый з боку Міжнароднага алімпійскага камітэта. У снежні мінулага года МАК даў дабро па допуску ва ўсіх відах, мы з расійскімі калегамі адправілі ў FIH адпаведныя пісьмы, і пасля гэтага федэрацыя пачала канкрэтныя дзеянні. Гэта значыць, сваё слова яны стрымалі. Кіраўнік FIH Таяб Ікрам запрасіў нас у Ташкент, на мінулым тыдні мы сустрэліся і ўсё абмеркавалі. Некалькі гадоў нашы юніёры прастойвалі без міжнароднага вопыту, працэс вяртання ішоў павольна, але мы ўсё ж даціснулі", - адзначыў Аляксандр Грачоў.
Кіраўнік БФХТ падкрэсліў, што асноўнымі для беларускіх ігракоў з'яўляюцца кантынентальныя спаборніцтвы, таму не менш важна атрымаць допуск і ад Еўрапейскай федэрацыі хакея на траве (EuroHockey).
"На сустрэчы я прыводзіў прыклад з валейболам: міжнародная федэрацыя дапусціла беларусаў, але кантынентальная - яшчэ не. Спадар Ікрам запэўніў, што праблем з еўрапейцамі быць не павінна. У яго добрыя адносіны з кіраўніком федэрацыі, думаю, на правах старэйшага брата FIH пераканае EuroHockey і нас вернуць у мясцовую сям'ю. Будзем чакаць рэакцыі EuroHockey, на працягу месяца яны павінны прыняць рашэнне. У любым выпадку ў гэтым годзе чэмпіянатаў Еўропы ў гэтых узростах не будзе, бліжэйшы форум запланаваны на 2027-ы. Мы прапусцілі адбор на юнацкія Алімпійскія гульні-2026, таму пацікавіліся, ці можна трапіць туды па спецыяльным запрашэнні. Нам абяцалі падумаць, так што шанцы застаюцца".
Акрамя допуску юніёрскіх каманд, Беларусі вярнулі права праводзіць спаборніцтвы пад эгідай Міжнароднай федэрацыі хакея на траве. "Зразумела, што ў цяперашніх умовах гэта будзе праблематычна, але галоўнае, што такі дазвол ёсць. На гэты год каляндар ужо распісаны, а вось на 2027-ы будзем планаваць. Можа, арганізуем турнір для падрыхтоўкі каманды да чэмпіянату Еўропы-U18. У бліжэйшым ліпені зноў правядзём у Мінску Кубак мацнейшых. Спадзяюся, у сувязі з рашэннем FIH да нас прыедзе большая колькасць удзельнікаў. Чакаем Расію, Узбекістан і Казахстан, таксама адправілі запрашэнні ў федэрацыі Інданезіі і Кітая".
Маладзёжныя (U21) і нацыянальныя зборныя Беларусі ўсё яшчэ застаюцца пад абмежаваннямі FIH. "На сустрэчы ў Ташкенце мы закраналі і гэту тэму, але тэрміны вяртання нам не абазначылі. Кіраўнік FIH сказаў, што трэба пачакаць і рабіць усё паступальна, таму пакуль сышліся толькі на юніёрах. Не спыняем дыялог, будзем прадаўжаць барацьбу за поўнае аднаўленне правоў нашых спартсменаў. Адсутнасць міжнароднага вопыту з'яўляецца праблемай, але мы знаходзім рашэнні. Так, у сакавіку наша каманда да 21 года выступіць ва Узбекістане на новым турніры Tashkent Open, які пройдзе ў нядаўна адкрытым Алімпійскім гарадку".-0-
Міжнародная федэрацыя хакея на траве (FIH) дапусціла да спаборніцтваў пад сваёй эгідай зборныя Беларусі да 16 і да 18 гадоў. Нашы каманды будуць выступаць ва ўласнай форме, пад нацыянальным сцягам і з гімнам.
"Дыялог з кіраўніцтвам FIH мы вялі доўга. Яны гаварылі, што не супраць нашага вяртання на сусветную арэну, але толькі пасля рэкамендацый з боку Міжнароднага алімпійскага камітэта. У снежні мінулага года МАК даў дабро па допуску ва ўсіх відах, мы з расійскімі калегамі адправілі ў FIH адпаведныя пісьмы, і пасля гэтага федэрацыя пачала канкрэтныя дзеянні. Гэта значыць, сваё слова яны стрымалі. Кіраўнік FIH Таяб Ікрам запрасіў нас у Ташкент, на мінулым тыдні мы сустрэліся і ўсё абмеркавалі. Некалькі гадоў нашы юніёры прастойвалі без міжнароднага вопыту, працэс вяртання ішоў павольна, але мы ўсё ж даціснулі", - адзначыў Аляксандр Грачоў.
Кіраўнік БФХТ падкрэсліў, што асноўнымі для беларускіх ігракоў з'яўляюцца кантынентальныя спаборніцтвы, таму не менш важна атрымаць допуск і ад Еўрапейскай федэрацыі хакея на траве (EuroHockey).
"На сустрэчы я прыводзіў прыклад з валейболам: міжнародная федэрацыя дапусціла беларусаў, але кантынентальная - яшчэ не. Спадар Ікрам запэўніў, што праблем з еўрапейцамі быць не павінна. У яго добрыя адносіны з кіраўніком федэрацыі, думаю, на правах старэйшага брата FIH пераканае EuroHockey і нас вернуць у мясцовую сям'ю. Будзем чакаць рэакцыі EuroHockey, на працягу месяца яны павінны прыняць рашэнне. У любым выпадку ў гэтым годзе чэмпіянатаў Еўропы ў гэтых узростах не будзе, бліжэйшы форум запланаваны на 2027-ы. Мы прапусцілі адбор на юнацкія Алімпійскія гульні-2026, таму пацікавіліся, ці можна трапіць туды па спецыяльным запрашэнні. Нам абяцалі падумаць, так што шанцы застаюцца".
Акрамя допуску юніёрскіх каманд, Беларусі вярнулі права праводзіць спаборніцтвы пад эгідай Міжнароднай федэрацыі хакея на траве. "Зразумела, што ў цяперашніх умовах гэта будзе праблематычна, але галоўнае, што такі дазвол ёсць. На гэты год каляндар ужо распісаны, а вось на 2027-ы будзем планаваць. Можа, арганізуем турнір для падрыхтоўкі каманды да чэмпіянату Еўропы-U18. У бліжэйшым ліпені зноў правядзём у Мінску Кубак мацнейшых. Спадзяюся, у сувязі з рашэннем FIH да нас прыедзе большая колькасць удзельнікаў. Чакаем Расію, Узбекістан і Казахстан, таксама адправілі запрашэнні ў федэрацыі Інданезіі і Кітая".
Маладзёжныя (U21) і нацыянальныя зборныя Беларусі ўсё яшчэ застаюцца пад абмежаваннямі FIH. "На сустрэчы ў Ташкенце мы закраналі і гэту тэму, але тэрміны вяртання нам не абазначылі. Кіраўнік FIH сказаў, што трэба пачакаць і рабіць усё паступальна, таму пакуль сышліся толькі на юніёрах. Не спыняем дыялог, будзем прадаўжаць барацьбу за поўнае аднаўленне правоў нашых спартсменаў. Адсутнасць міжнароднага вопыту з'яўляецца праблемай, але мы знаходзім рашэнні. Так, у сакавіку наша каманда да 21 года выступіць ва Узбекістане на новым турніры Tashkent Open, які пройдзе ў нядаўна адкрытым Алімпійскім гарадку".-0-
Падпісвайцеся на нас у
