Мабільная версія
ДЗЯРЖОРГАНЫ

Апошнія навіны
Усе навіны

Пілот "МАЗ-СПОРТаўта" Сяргей Вязовіч перамог на шостым этапе "Шаўковага шляху"

Спорт 12.07.2019 | 15:26
Фота арганізатараў ралі
Фота арганізатараў ралі

12 ліпеня, Мінск /Кар. БЕЛТА/. Пілот "МАЗ-СПОРТаўта" Сяргей Вязовіч перамог на шостым этапе ралі-рэйду "Шаўковы шлях", паведамілі БЕЛТА ў прэс-службе МАЗа.

Спецучастак працягласцю 408 км пралягаў па шырокіх дарогах у стэпе. Скорасныя адрэзкі далі пілотам магчымасць праявіць сваё майстэрства - амаль усе грузавікі пераадолелі маршрут у высокім тэмпе. Першае месца на этапе заняў Сяргей Вязовіч, які праехаў за 4 гадзіны 23 хвіліны. На другім месцы расіянін Антон Шыбалаў і яго суайчыннік Айрат Мардзееў - на трэцім.

У генеральнай класіфікацыі беларусы захоўваюць першы радок з гандыкапам 16 хвілін. Капотнаму МАЗу, якім кіраваў Сяргей Вязовіч, уступаюць у генеральнай класіфікацыі тры камазаўскія экіпажы і галандзец Марцін ван дэн Брынк на Renault.

"Спецучастак праехалі без праблем, але на такім скорасным адрэзку ўсё вырашалі секунды. У КамАЗаў былі праблемы: Андрэй Каргінаў мяняў кола, а Антон Шыбалаў стараўся рухацца ў адным тэмпе, як і мы",-расказаў кіраўнік каманды "МАЗ-СПОРТаўта" Сяргей Вязовіч. Аднак у экіпажа ўзніклі пытанні з прыборамі арганізатараў: яны памылкова фіксуюць перавышэнне скорасці, за што можа давацца штрафны час. Пілоты настаялі, каб прыборы замянілі.

МАЗ Аляксея Вішнеўскага на шостым участку патраціў на трасе 4 гадзіны 31 хвіліну і заняў шостае месца. У агульным заліку экіпаж ідзе сёмым, прайграючы 4 гадзіны 6 хвілін Сяргею Вязовічу. У Аляксандра Васілеўскага, які ішоў у адзін час з лідарамі, узніклі складанасці на чацвёртым адрэзку гонкі, што прывяло да страты заліковага часу.

Працягласць сёмага этапу "Шаўковага шляху" складзе 550 км і пройдзе па тэрыторыі Манголіі і Кітая. Ралі-рэйд "Шаўковы шлях" праходзіць з 6 па 16 ліпеня па тэрыторыях Расіі, Кітая і Манголіі. Траса гонкі ўяўляе сабой скорасныя ўчасткі ва Усходняй Сібіры, мангольскія стэпы, кітайскія раўніны і пясчаныя адрэзкі з дзюнамі ў пустыні Гобі. Маршрут складае 5 тыс. км, з якіх палавіна прыпадае на спецучасткі.-0-

Версія для друку
Навіны рубрыкі Спорт
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Машынабудаванне Беларусі Машынабудаўнічы комплекс Беларусі прадстаўляюць каля 250 вялікіх і сярэдніх арганізацый, у якіх працуюць 192 тыс. чалавек.