Першыя ўдзельнікі 1/8 фіналу вызначацца ў розыгрышы Кубка Беларусі па футболе

18 чэрвеня, Мінск /Кар. БЕЛТА/. У розыгрышы Кубка Беларусі па футболе вызначацца першыя ўдзельнікі 1/8 фіналу, паведамляе карэспандэнт БЕЛТА.

У першым сённяшнім паядынку фіналіст мінулага кубкавага сезона "Іслач" згуляе ў гасцях з гомельскім "Лакаматывам" (пачатак сустрэчы ў 17.00), а потым лідары чэмпіянату краіны футбалісты жодзінскага "Тарпеда-БелАЗа" таксама на выездзе сустрэнуцца з яшчэ адным прадстаўніком другога дывізіёна нацыянальнага першынства "Маладзечна-2018" (пачатак сустрэчы ў 19.00). Заўтра дзеючы ўладальнік Кубка гродзенскі "Нёман" будзе сапернічаць з мінскім клубам "Юні Ікс Лабс" на полі сталічнага стадыёна "Дынама-Юні", а "Мёры" прымуць чэмпіёна Беларусі мінскае "Дынама".

Склады астатніх пар 1/16 фіналу: "Д-Медыя" (Мінск) - БАТЭ (Барысаў), "Хваля" (Пінск) - "Шахцёр" (Салігорск), "Крумкачы" (Мінск) - "Днепр" (Магілёў), РЦАР-БДУ (Мінск) - "Слуцк", "Слонім-2017" - "Дынама" (Брэст), "Ліда" - "Віцебск", "Паперапрам" (Гомель) - "Славія" (Мазыр), "Орша" - "Арсенал" (Дзяржынск), "Ніва" (Доўбізна) - "Гомель", "Максалайн" (Віцебск) - "Нафтан" (Наваполацк), "Баранавічы" - "Смаргонь", "Белшына" (Бабруйск) - "Мінск".

Матчы за выхад у 1/8 фіналу праходзяць з 18 чэрвеня па 14 ліпеня.-0-