Першыя чвэрцьфіналы футбольнай Лігі чэмпіёнаў пройдуць у Лондане і Мюнхене

8 красавіка, Мінск /Кар. БЕЛТА/. У Лондане і Мюнхене адбудуцца стартавыя паядынкі чвэрцьфінальнай стадыі футбольнай Лігі чэмпіёнаў, паведамляе карэспандэнт БЕЛТА.

У брытанскай сталіцы футбалісты "Арсенала" прымуць дзеючага пераможцу галоўнага кантынентальнага турніру мадрыдскі "Рэал". У мінулы ўік-энд у 31-м туры англійскай прэм'ер-лігі "Арсенал" згуляў унічыю з "Эвертанам" (1:1) і застаўся на другой пазіцыі ў турнірнай табліцы, уступаючы "Ліверпулю" 11 ачкоў. У 30-м туры іспанскага чэмпіянату "Рэал" нечакана прайграў на полі "Валенсіі" (1:2) і адстае ад лідзіруючай "Барселоны" на чатыры балы.

У другім сённяшнім матчы лідар нямецкай бундэслігі "Баварыя" сустрэнецца ў Мюнхене з фаварытам італьянскай серыі А міланскім "Інтэрам". У 28-м туры чэмпіянату Германіі "Баварыя" абыграла на выездзе "Аўгсбург" (3:1), а "Інтэр" таксама ў гасцях згуляў унічыю з "Пармай" (2:2).

Яшчэ два паядынкі 1/4 фіналу адбудуцца 9 красавіка: "Барселона" (Іспанія) - "Барусія" (Дортмунд, Германія), "Пары Сен-Жэрмен" (Францыя) - "Астан Віла" (Бірмінгем, Англія).

Паядынкі ў адказ за выхад у паўфінал пройдуць 15 і 16 красавіка, паўфінальныя сустрэчы адбудуцца 29 і 30 красавіка і 6 і 7 мая, вырашальны паядынак 70-га па ліку галоўнага клубнага турніру Старога Свету адбудзецца 31 мая ў Мюнхене.-0-