ДЗЯРЖОРГАНЫДЗЯРЖОРГАНЫ
Флаг Нядзеля, 9 мая 2021
Мінск Воблачна з праясненнямі +3°C
Усе навіны
Усе навіны
Спорт
09 сакавіка 2021, 13:03

Першыя чвэрцьфіналісты сёння вызначацца ў футбольнай Лізе чэмпіёнаў

Фота з архіва
Фота з архіва

9 сакавіка, Мінск /Кар. БЕЛТА/. Першыя ўдзельнікі чвэрцьфінальнай стадыі вызначацца сёння ў футбольнай Лізе чэмпіёнаў, паведамляе карэспандэнт БЕЛТА.

У Турыне футбалісты "Ювентуса" ў паядынку ў адказ 1/8 фіналу прымуць партугальскі "Порту" (пачатак у 23.00, прамая трансляцыя на тэлеканале "Беларусь 5"). У першым матчы партугальскі клуб перамог італьянскага чэмпіёна на сваім полі з лікам 2:1. Мінулы ўік-энд у гасцявой сустрэчы 22-га тура нацыянальнага першынства "Порту" перамог "Жыл Вісентэ" з лікам 2:0 і, набраўшы 48 ачкоў, падняўся на другое месца ў турнірнай табліцы. У лідзіруючага лісабонскага "Спортынга" 56 заліковых балаў. У 26-м туры чэмпіянату Італіі футбалісты "Ювентуса" перамаглі на сваёй арэне рымскі "Лацыа" - 3:1. Турынскі клуб мае ў сваім актыве 52 ачкі і знаходзіцца на трэцім месцы, наперадзе міланскі "Інтэр", у якога 62 балы, і "Мілан", маючы 56 ачкоў.

У другім сённяшнім матчы нямецкая "Барусія" згуляе ў Дортмундзе з іспанскай "Севільяй". У першай сустрэчы гэтых сапернікаў футбалісты нямецкага клуба перамаглі іспанскую каманду на яе полі з вынікам 3:2. У 24-м туры чэмпіянату Германіі "Барусія" ўступіла ў Мюнхене лідару бундэслігі "Баварыі" з лікам 2:4 і цяпер знаходзіцца на 6-м месцы, набраўшы 39 ачкоў. "Севілья" ў 26-м туры іспанскага першынства ўступіла ў гасцях "Эльчэ" - 1:2 і займае чацвёртае месца ў турнірнай табліцы, маючы 48 ачкоў. На першай пазіцыі мадрыдскі "Атлетыка" - 59 ачкоў, на тры балы менш у "Барселоны", мадрыдскі "Рэал" мае 54 ачкі.

Яшчэ дзве гульні ў адказ 1/8 фіналу чэмпіёнскай Лігі адбудуцца 10 сакавіка: "Пары Сен-Жэрмен" (Францыя) - "Барселона" (Іспанія, рэзультат першага матчу - 4:1), "Ліверпуль" (Англія) - "Лейпцыг" (Германія, 2:0).

Астатнія паядынкі за выхад у чвэрцьфінал пройдуць на наступным тыдні:

16 сакавіка

"Манчэстэр Сіці" (Англія) - "Барусія" (Менхенгладбах, Германія; 2:0), "Рэал" (Мадрыд, Іспанія) - "Аталанта" (Бергама, Італія; 1:0).

17 сакавіка

"Чэлсі" (Лондан, Англія) - "Атлетыка" (Мадрыд, Іспанія; 1:0), "Баварыя" (Мюнхен, Германія) - "Лацыа" (Рым, Італія; 4:1).

Бамбардзірскую гонку Лігі чэмпіёнаў узначальвае нарвежскі форвард дортмундскай "Барусіі" Эрлінг Холан, які забіў 8 мячоў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі