ДЗЯРЖОРГАНЫДЗЯРЖОРГАНЫ
Панядзелак, 25 мая 2020
Мінск Пераменная воблачнасць +11°C
Усе навіны
Усе навіны
Спорт
10 сакавіка 2020, 16:11

Першыя чвэрцьфіналісты футбольнай Лігі чэмпіёнаў вызначацца ў Валенсіі і Лейпцыгу

На стадыёне "Валенсіі" "Месталья" перад сённяшнім матчам Лігі чэмпіёнаў. Фота "Валенсіі"
На стадыёне "Валенсіі" "Месталья" перад сённяшнім матчам Лігі чэмпіёнаў. Фота "Валенсіі"

10 сакавіка, Мінск /Кар. БЕЛТА/. Першыя ўдзельнікі чвэрцьфінальнай стадыі футбольнай Лігі чэмпіёнаў вызначацца сёння ў Валенсіі і Лейпцыгу, паведамляе карэспандэнт БЕЛТА.

Футбалісты іспанскай "Валенсіі" ў сябе дома пастараюцца рэабілітавацца пасля буйнога гасцявога паражэння ад італьянскай "Аталанты" (1:4). Праўда, гаспадарам не дапамогуць іх балельшчыкі - у сувязі з пагрозай заражэння каранавірусам матч пройдзе без гледачоў.

Нямецкі "Лейпцыг", які абыграў у Лондане англійскі "Тотэнхэм" (1:0), мае намер замацаваць свой поспех на роднай арэне. Абодва паядынкі пачнуцца ў 23.00 і будуць паказаны ў прамым эфіры тэлеканалаў "Беларусь 5" і "Беларусь 5. Інтэрнэт".

Яшчэ дзве сустрэчы ў адказ 1/8 фіналу пройдуць 11 сакавіка: "Ліверпуль" (Англія) - "Атлетыка" (Мадрыд, Іспанія; рэзультат першага матчу - 0:1), "Пары Сен-Жэрмен" (Францыя) - "Барусія" (Дортмунд, Германія; рэзультат першага матчу - 1:2).

Астатнія паядынкі за выхад у чвэрцьфінал адбудуцца на наступным тыдні:

17 сакавіка

"Манчэстэр Сіці" (Англія) - "Рэал" (Мадрыд, Іспанія; першы матч - 2:1), "Ювентус" (Турын, Італія) - "Ліён" (Францыя; першы матч - 0:1).

18 сакавіка

"Барселона" (Іспанія) - "Напалі" (Італія; першы матч - 1:1), "Баварыя" (Мюнхен, Германія) - "Чэлсі" (Лондан, Англія; першы матч - 3:0).

Першыя чвэрцьфіналы Лігі чэмпіёнаў правядуць 7 і 8 красавіка, у адказ - 14 і 15 красавіка. Паўфінальныя сустрэчы адбудуцца 28-29 красавіка і 5-6 мая, вырашальны паядынак галоўнага кантынентальнага турніру Старога Свету пройдзе 30 мая ў Стамбуле.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі