4 сакавіка, Мінск /Кар. БЕЛТА/. Праз тыдзень, 11 сакавіка, у Мінску адбудзецца першы нацыянальны форум трэнераў па тэнісе, паведамілі БЕЛТА ў прэс-службе Беларускай тэніснай федэрацыі.
У сталіцу прыедуць не толькі прафесійныя тэнісныя трэнеры, але і спецыялісты па фізічнай падрыхтоўцы, урачы, кіраўнікі тэнісных устаноў, прадстаўнікі абласных федэрацый і дзяржаўных органаў. Яны абмяркуюць шэраг пытанняў, сярод якіх работа трэнерскіх кадраў у рэгіёнах, прыцягненне да трэнерскай работы маладых спецыялістаў, паляпшэнне работы, арганізацыя і правядзенне турніраў нацыянальнага календара. Рэгістрацыя ўдзельнікаў маючага адбыцца форуму праводзіцца да 9 сакавіка ўключна на афіцыйным сайце БТФ.-0-
